Kebar Krossè

Al è sucedut alc di brut a Udin e tal Friul dal avigni. Une vore brut. No dal gjenar di chel dal violentissim "The Road" di Cormack Mc Carthy, li che il mont si à crevat in poc timp, fracassant cuasi ogni forme di relazion social. Pluitost la ruvine, in chest romanç di Stiefin Morat, e je lade indenant par plui timp, laint, secjant e fruçant ce che al jere e lassant in pits une fantasime di societat che e sorevif framieç dal la in sflics dai edificis e des sos fondis esistenzials, intal desert. La narazion di Morat e je plene di variazions linguistichis di ogni gjenar: di classe social, di regjistri, di forme espressive e e je travanade di citazions che a tirin a ciment lis cognossincis leterariis dal letor, començant dal non dal protagonist, Montàg che al è chel istès di "Fahrenheit 451" di Bradbury, passant pal huxleyan Soma e pal gibsonian Dexe e cuissà ce altri. Une distopie leterarie, intun mont in transizion viers no si sa ben ce, che e mostre i dams di dinamichis, ideologjiis, fats che a son za in vore orepresint. Al è sucedut alc di brut a Udin e tal Friul dal avigni. Une vore brut. O isal daur a sucedi?

Dettagli