Lu pundàccju di li Sètti Barrètti. Ediz. illustrata

Ereditai, sigundu li studiosi, di la più antica cultura europea - subbr'a tutti l'alti chissa celtica -, la tradiziòni di li fòli gaddhurési prisènta un mundu d'àmini minuti e, pa' lu più, affaccindati illu fà, a la cuàta, mali e pèggju a li passòni. Sèndi, umbè di 'òlti, sgraziati, e cun pudéri cundiziunati da calchi maìa, li fugliètti, li palpacii e li pundaccji no sèmpri riscìani illi so' bistòlti intinziòni. Lu risultatu éra chissu di lassà a li stéddhi chi sìghìani li cònti, chi li manni di la Gaddhura antica li facìani illi nuttati di 'Arru addananzi a la ciminèa, dapoi di tanti mumènti d'assustu e di timori puru lu tèmpu di calchi risa di cunfòltu e d'alligrìa. Sò li mattèssi elemènti tènti còntu da Francesca Ruiu illu trattà, a la manéra soia, la fòla di "Lu pundàccju di li sètti barrètti", l'aminéddhu dispittosu - ziraccu, fòrsi, di Santu Maltinu - chi silla facìa palpèndi a l'affultu li fèmini e l'òmini. Gjilosu di li so' sètti barrètti, chi pultàa in capu tutt'e sètti insèmbi, éra pròntu a pacà cassisìa 'alori, cassisìa sènda o trisòru, a chissi pòchi fultunati chi riscìani illa difficcili imprésa di furavvìlli.

Dettagli