Ne liber jepet nje ide e pergjithshme mbi kuzhinen italiane aq te famshme sa edhe te perhapur, pothuaj ne te gjitha kuzhinat boterore; ndersa per sa i perket kuzhines shqiptare jane paraqitur disa receta qe pergatiten me pak veshtiresi dhe qe vleresohen si tipike shqiptare. Normalisht shqiptaret qe jetojne ne Itali, gatuajne duke u bazuar ne recetat e dy kuzhinave, shqiptare dhe italiane: nga njera ane preferohet tradita e nga ana tjeter jane kerkesat e perditshme qe ndikojne ne menyren e te ushqyerit dhe si rrjedhim ne perdorimin e shume recetave italiane... Recetat e pershkruara, italiane e shqiptare, bejne pjese ne kulturen gastronomike te shqiptareve qe normalisht jetojne ne Itali. Receta jane te thjeshta e mund te konsultohen si liber elektronik (Ebook) ose si liber i zakonshem, per te gatuar dhe per t'u zbavitur. Koha e gatimit eshte mjaft e shkurter; recetat jane te shoqeruara edhe me keshilla te ndryshme per te lehtesuar punen tone gjate gatimit: si duhet te sherbejme dhe te konsumojme disa ushqime; si duhet te shtrojme nje tryeze, etj. Nuk mungojne recetat per te gatuar antipasta (meze), gjellet e para e te dyta, me peshk e me mish, garniturat dhe embelsirat. Nje kapitull i veçante u eshte kushtuar pijeve te ndryshme. Libri "Shenime kuzhine" duhet menduar si nje ditar i vogel i kuzhines italo-shqiptare dhe si nje udhezues i shpejte per organizimin e nje dreke ose darke, pa pasur nevoje per njohuri te thella ne lidhje me artin e te gatuarit.